ديــوان / مـارد الشـعـر ...( الحميدي الثقـفي ) .

مفهوم العتاب

يامحرم علـى اوراقـي حضـور القصيـده

_________ خيـرة الله عليـك اطلـق رهينـة غيابـك

القوافـي غـدت مثـل الخيـول الشريـده

_________ ويـن ماتتجـه يتبعـن وجهـة ركـابـك

واحتبس منـك دم المحبـره فـي وريـده

_________ شوف.. حتى القلم ماطاق قسـوة عذابـك

كيف اعاتبك ؟! كيف اعطيك فرصه جديده؟!!

_________ انـت شوهـت مفهـوم العتـاب بعتابـك

كـان لـي فيـك ياماكـان هقـوه بعيـده

_________ يجذبنّـي حبـال الصيـف واتبـع سرابـك

اتعبتنـي مسافـات الــدروب العنـيـده

_________ لازم اسألـك واتحمـل فجيعـة جـوابـك

قـول مابيـك والفرقـا طرقهـا عـديـده

_________ كان عندك شجاعة صـدق تبـرح جنابـك

خذ معك كل شـي غيـر القلـم والقصيـده

_________ مالهـا ذنـب تاخذهـا رهينـة غيـابـك

قصائد قصيرة جدا






( قنوط )

امد خلف النافذة يدي

اقبضها .. أردها

ألمس بها شي ..

وآخذه ..

القى بها حفنة ظلام

أروح للصنبور ..

أغسلها وانام ..!!

.

.

( موت )

امدد اقدامي

جدار قدامي

وجدار من خلفي

اموت رغم أنفي ..!!

.

.

( غبن )
عمر الجروح بيوم ..

ماكانت الورد ..

وعمر الذي في النار ..

ماحس بالبرد ..

الورد ينزف شذا ..

والجرح ينزف دم ..

ومابين هذا .. وذا ..

شوف المسافه كم ..؟!!

...........

صار اصبعي ريشه

صار القلم فرد

ومشرد حروفي ..

ترعى مضارب جرد

بعض القصايد غذا

وبعض القصايد سم

والبعض الاخر كذا

( صرخه بليا فم ) .. !!

.

.

( رصيف )

على رصيف الشارع المظلم .. جلس ..

يقلب اوراق السنين ..

الشارع الأول .. نظيف..

الشارع الثاني .. مخيف ..

الشارع الثالث .. أبد ماله ( رصيف ) ..!!

.

.

( متشابهات )

متشابهات ..

وجه ٍ يشابه وجه ..

حرفٍ يشابه حرف ..

صوتٍ يشابه صوت ..

لكنها ..

ماتشتبه في اختيار الموت ..!!

.

.

( حاله )

كنت ذاهل بحزني مسجي

وحيد اتهجى

دم الصمت الابيض يسيل

في عروق الكلام ..!!

.

.

( وقت )

يدخل البرد ليّن من النافذه

يدخل الوقت دافي

لمست الوقت دافي

لذيذ / وطري ..

حار مثل الرغيف ..!!

.

.

( لوحه )
ارسم بحر ..

ارسم قوارب صيد

ارسم ناس .. صيادين ..

ارسم ساريه ..

وخيوط سنارة سمك . بس ..

واترك الموجه بريشة صمتها ..

تمحاك فيه وترسمك ..!!

.

.

( سكن )

لو مافتحتي شرفة الغيمه البعيده

مانتفض قلبي كما العصفور من صدري

وراح يطير .. يطير .. يطير

كم غيمة قالت : تعال

وكم شجرة قالت : تعال

وكم نجمة قالت : تعال

من دونها ليلٍ مطير

وسنين من ظلما وريح ..

مالك مطير

وكل قطرة دم في قلبي تصيح ..

وتقول : طر فوق وتعال ..

طر فوق وتعال .. طر فوق وتعال ..تعال ..

ورحت اطير .. اطير ..

حتى وصلت لجنة ايدينك جريح ..

ولو مالجراح ماحمحم الريحيان بين اصابعي ..

ولانبت في دفتري عشب الصباح ..!!

.

.

( الجمهور )
ياسيدي الجمهور ..

لولا عذوبة مانقول ..

كان الحقول ..

صارت أراضي بور ..!

(عزيزي الجمهور ) ..

ان مافمهمت اللي نقول ...!

تقدر تطفي النور ..!!

انا ماني بمن يقرا الصور حتى ينـام اللـون

________ولامن يهدم اسوارالشمـوس ليبنـي ظلالـه

انا الليل البهيم اللي خرج من كاحل العرجون

________صباح اطراف اصابعكم تنـز بطينـة اطفالـه

جنوني حكمتي .. والحكمه اولها صلف بجنون

________لذا صوتي رما دلـو الكـلام وقطّـع حبالـه

صحيح النار تاكلني .. ولكني عرفت اشلـون

________اموت .. وكيف يختال الرماد بعـزة اشعالـه

وداعاً يالسيوف الطاعنه في جثة المطعـون

________وداعاً يالمرايا .. وجهى اول وآخر اشكالـه

وداعاً للمكان المستوي فيني وفيـه الكـون

________ هلا بك يامكان ٍ قبلي اسمـك ماحـد ٍ قالـه

مخاليقه تعيش بدون اساميها عشان آكون :

________ انا اول من يدق طبول عرس الشمس في رماله

.

أستاذي / أبو نادر


أستاذي / المجرم

.

رغم أني كتبت

لا أنتـظر

ردووووووووود
بقدر ما أنـتـظر إبحار منكم مع هذا الجنون

.

إلا أنــكــم كنت هنا


وأنا لا الومكم

فمع هكذا جنون :

من الجنون أن ترد ومن الجنون أن لا ترد

لقد حذفت حتى توقيعي من المتصفح خوفاً على هذا الجمال

من وجودي

تحياتي لكم
.

أحمد لك أحـــــــتــــــرامي
:
:
:
:
:

.

ابو شيد

عايد البلوي

.

شكرا لكم جميعا

انشغالي في امور الدراسة ابعدني عن إكمال الديوان

ولكن

أعدكم بعودة قريبة تليق بكم

و

بمارد الشعر

تحياتي

هل سمعتم عن

غبااااااااااااار الشمس

زيف الصحاري


ياصاحبي وقف لزيف الصحاري

_________ وبشر هجير الشمس عن موعد السيل

حاول تغير في ملامـح نهـاري

____________ واعط القمر مفتاح بوابة الليـل

مدري لشنهو موعدي وانتظاري

____________ مادامت أيامي قليلـة محاصيـل

في داخلي نزعة خفوق انتحاري

_____________ حلم تكسر في ثنايـا التفاصيـل

واثر انكسار الحلم يعني انكساري

___________ بغيت اكمل وانكسر فيني الحيـل

مالك بن الريب


يا مالك أبن الريب .. يا ريـب مالـك

____________ لا تعترف لاحـدٍ .. ولا يعتـرف لـك

صمتك ضجيج .. وضجتك صمت حالك

__________ صاح السكون أبمن تكون وهتف لـك

من بعت شمسك واشتريت بضلالـك

___________في صفحة الماء نجمةٍ ترتجـف لـك

هذا أنت .! في قاع المدينـة لحالـك

_____________ مالك بها ممشى ولا ينو قف .. لـك

ما دو زنت وقـع الخطـاوي نعالـك

___________ ولا مدى هذا الغموض أنكشـف لـك

والظبية اللـي فـي مفالـي خيالـك

_____________ دارت وحارت دمعتـك تنـذرف لـك

حتى الوجع جمر وهجع فـي رمالـك

_____________ وأنبـت ورودٌ ذابلـة تنقطـف لــك